राज्याच्या गोपनीयतेच्या सुरक्षेसाठी देवेंद्र फडणवीस यांची चौकशी ! - शंभुराज देसाई, गृहराज्यमंत्री

मुंबई, १५ मार्च (वार्ता.) – विधानसभेचे विरोधी पक्षनेते देवेंद्र फडणवीस यांच्या चौकशीत कोणताही राजकीय हेतू नव्हता. राजकीय विरोधातून किंवा द्वेषातून त्यांची चौकशी करण्यात आली नाही. राज्याच्या हितासाठीच त्यांची चौकशी करण्यात आली. राज्यातील ‘फोन टॅपिंग’ची गोपनीय माहिती बाहेर जाणे सुरक्षेच्या दृष्टीने धोकादायक आहे. फडणवीस यांना ही माहिती कशी मिळाली, याची माहिती घेण्यासाठीच त्यांची चौकशी करण्यात आली, अशी माहिती गृहराज्यमंत्री शंभुराज देसाई यांनी विधान परिषदेत दिली.