आजच्या युगात यशस्वी होण्यासाठी महिलांनी आध्यात्मिक स्तरांवरही प्रयत्न करणे आवश्यक ! – वैद्या (श्रीमती) मृणालिनी भोसले

मिरज – महिला हे शक्तीचे रूप आहे; पण त्याची जाणीव आजच्या महिलांना करून देणे आवश्यक आहे. आजच्या युगात यशस्वी होण्यासाठी शारीरिक, मानसिक आणि आध्यात्मिक स्तरांवरही प्रयत्न करणे आवश्यक आहे. त्यासाठी महिलांनी साधना करावी, असे आवाहन सनातन संस्थेच्या साधिका वैद्या (श्रीमती) मृणालिनी भोसले यांनी केले. येथील कन्या महाविद्यालयाच्या माजी विद्यार्थी संघाने ‘ऑनलाईन’ आयोजित केलेल्या मार्गदर्शनात त्या बोलत होत्या. याचे आयोजन माजी विद्यार्थी संघाच्या अध्यक्षा सौ. कीर्ती महाजन आणि सौ. शीतल गावडे यांनी केले होते.