बीड येथे कारवाईसाठी गेलेल्‍या महसूल विभागाच्‍या वाहनास अपघात

अपघातात मंडल अधिकार्‍याचा मृत्‍यू, तर तहसीलदार गंभीर घायाळ  

बीड – अवैध वाळू उपसा आणि वाळूची अवैध वाहतूक करणार्‍यांवर कारवाईसाठी गेलेल्‍या महसूल विभागाच्‍या वाहनास अपघात झाला आहे. या अपघातात मंडल अधिकारी नितीन जाधव यांचा जागीच मृत्‍यू झाला असून बीडचे तहसीलदार गंभीर घायाळ झाले आहेत. ६ मार्चच्‍या पहाटे सावळेश्वर फाटा (तालुका गेवराई) येथे हा अपघात झाला. अपघाताची माहिती कळताच स्‍वतः जिल्‍हाधिकारी राधाबिनोद शर्मा जिल्‍हा रुग्‍णालयात आले होते.

सावळेश्वर फाटा येथे ६ मार्चच्‍या पहाटे महसूल पथकाचे वाहन रस्‍त्‍यालगत असलेल्‍या झाडावर आदळले. वाहनाचा समोरील भाग झाडाच्‍या खोडात अडकला होता. अपघात होताच आसपासच्‍या लोकांनी तातडीने घटनास्‍थळी धाव घेऊन घायाळ झालेल्‍यांना तातडीने जिल्‍हा रुग्‍णालयात उपचारासाठी पाठवले.