पोलीसदलावरील राजकीय दबाव महाराष्ट्राला अधोगतीला नेणारा ! – देवेंद्र फडणवीस, विरोधी पक्षनेते, विधानसभा

मुंबई – महाविकास आघाडीचे सरकार आल्यापासून महाराष्ट्रातील पोलीसदल अत्यंत दबावाखाली आहे. भाजपचे सरकार असतांना महाराष्ट्राचे पोलीसदल कधीही राजकीय दबावाखाली नव्हते; मात्र महाविकास आघाडीचे सरकार आल्यापासून महाराष्ट्रातील पोलीसदल अत्यंत दबावाखाली आहे. अशा प्रकारचा राजकीय दबाव महाराष्ट्राला अधोगतीकडे नेणारा आहे, अशी टीका विधानसभेचे विरोधी पक्षनेते देवेंद्र फडणवीस यांनी ४ मार्च या दिवशी डोंबिवली येथील एका कार्यक्रमात केली.

या वेळी देवेंद्र फडणवीस म्हणाले, “डोंबिवलीतील भाजप कार्यकर्ते मनोज कटके यांच्यावर आक्रमण होऊन ४ दिवस उलटले, तरी पोलिसांनी अद्याप आरोपीला अटक केली नाही, ही शोकाची आणि गंभीर गोष्ट आहे. आरोपीला लवकर अटक झाली नाही, तर मी स्वतः डोंबिवलीत येऊन मोर्चा काढीन. पोलीस ठाण्याला घेराव घालीन.’’