एकनाथ खडसे यांच्या जावयाचा आर्थिक घोटाळ्याच्या प्रकरणातील जामीन अर्ज फेटाळला

मुंबई – राष्ट्रवादीचे नेते एकनाथ खडसे यांचे जावई गिरीश चौधरी यांचा जामीन अर्ज मुंबई सत्र न्यायालयाने फेटाळला आहे. गिरीश चौधरी यांना आर्थिक घोटाळ्याच्या प्रकरणात अंमलबजावणी संचालनालयाने (ईडी) अटक केली होती. गिरीश चौधरी गेल्या अनेक दिवसांपासून न्यायालयीन कोठडीत आहेत.

पुण्यातील भोसरी येथील औद्योगिक वसाहतीतील भूखंड प्रकरणात एकनाथ खडसे त्यांची पत्नी मंदाकिनी खडसे यांच्यावर गुन्हा नोंद आहे. याच प्रकरणात गिरीश चौधरी यांना मागील वर्षी अटक केली होती, तेव्हापासून गिरीश चौधरी हे न्यायालयीन कोठडीत आहेत.