अमेरिकेतील कार्यक्रमाचे सूत्रसंचालन करणार्‍या सुप्रसिद्ध कलाकार व्हूपी गोल्डबर्ग २ आठवड्यांसाठी निलंबित !

ज्यूंच्या विरोधात टिप्पणी केल्यामुळे ‘एबीसी’ या वृत्तवाहिनीची कारवाई !

भारतात वृत्तवाहिन्यांवरून कार्यक्रमांचे सूत्रसंचालन करणारे करण थापर, राजदीप सरदेसाई, बरखा दत्त, राविश कुमार, अरफा खानुम यांच्यासारखे पत्रकार सातत्याने हिंदूंच्या विरोधात गरळओक करतात. त्यांच्यावर कधी अशा प्रकारे कारवाई झाल्याचे ऐकले आहे का ? – संपादक

अमेरिकेतील सूत्रसंचालन करणार्‍या सुप्रसिद्ध कलाकार व्हूपी गोल्डबर्ग

न्यूयॉर्क – अमेरिकेतील ‘एबीसी’ या वृत्तवाहिनीवरील ‘दी व्ह्यू’ (the view) या कार्यक्रमाचे सूत्रसंचालन करतांना सुप्रसिद्ध कलाकार व्हूपी गोल्डबर्ग यांनी ‘नाझींनी ६० लाख ज्यूंची केलेली हत्या, हा काही वंशसंहार नव्हता’, असे वादग्रस्त वक्तव्य केले. यानंतर विरोध झाल्यावर त्यांनी क्षमाही मागितली; मात्र प्रकरणाचे गांभीर्य लक्षात घेऊन या वाहिनीच्या प्रमुख किम गॉडवीन यांनी गोल्डबर्ग यांना २ आठवड्यांसाठी कामावरून निलंबित केले.