सातारा येथे विवाहितेचा छळ करून हत्या !

विवाहित महिलांवरील अत्याचार चालूच रहाणे, हे गंभीर आणि चिंताजनक आहे. कुटुंबव्यवस्था उत्तम रहाण्यासाठी संस्कार आणि धर्मशिक्षण आवश्यक आहे.

सातारा, २७ जानेवारी (वार्ता.) – संगमनगर येथील सुजाता शंकर भोळे या २४ वर्षीय विवाहितेचा छळ करून तिला मारहाण करण्यात आली. त्यामध्ये तिचा मृत्यू झाला, अशी तक्रार माहेरच्या लोकांनी शहर पोलीस ठाण्यात नोंदवली. या तक्रारीवरून शहर पोलिसांनी सासरच्या लोकांविरुद्ध हत्येचा गुन्हा नोंद केला आहे.

तक्रारीत म्हटले आहे की, सुजाता शंकर भोळे या महिलेला पती शंकर भोळे आणि कुटुंबिय मानसिक अन् शारीरिक त्रास देऊन उपाशी ठेवून क्रूर वागणूक देत होते. प्रयोगशाळा काढण्यासाठी आणि गाडी विकत घेण्यासाठी ५ लाख रुपये घेऊन येण्यासाठी तगादा लावत होते, तसेच तिला मुलगी झाल्यामुळे आणि पतीचे अनैतिक संबंध उघड केल्यामुळे पतीने पत्नीला मारहाण केली. पोलिसांनी पतीवर विविध कलमान्वये गुन्हा नोंद केले आहे.