महाराष्ट्रात कोरोनावरील उपाययोजनांचे काम संथ गतीने ! – सौ. भारती पवार, केंद्रीय आरोग्य राज्यमंत्री

सौ. भारती पवार, केंद्रीय आरोग्य राज्यमंत्री

मुंबई – कोरोनावरील उपाययोजनेसाठी केंद्रशासनाकडून आरोग्य सुविधांसाठी निधी अल्प पडू दिला जाणार नाही. केंद्रीय आरोग्यमंत्री मनसुख मांडविया संपूर्ण देशात स्वत: लक्ष देत आहेत. आढावा बैठका घेऊन माहिती घेत आहेत. महाराष्ट्रात मात्र कोरोनावरील उपाययोजनांचे काम संथ गतीने चालू आहे, असे केंद्रीय आरोग्य राज्यमंत्री सौ. भारती पवार यांनी म्हटले आहे. राज्यातील कोरोना आणि ओमिक्रॉन यांच्या संसर्गाविषयी ४ जानेवारी या दिवशी सह्याद्री अतिथीगृह येथे आरोग्य सचिव, तसेच संबंधित विभागांचे अधिकारी यांच्यासमवेत त्यांनी आढावा बैठक घेतली. या बैठकीनंतर घेतलेल्या पत्रकार परिषदेत त्यांनी वरील वक्तव्य केले.