पाटण (सातारा) येथे अल्पवयीन मुलीवर बलात्कार करून हत्या !

मुलींसाठी असुरक्षित सातारा !

सातारा, ३१ डिसेंबर (वार्ता.) – पाटण (जिल्हा सातारा) येथील रुवले (सुतारवाडी) येथे २९ डिसेंबर या दिवशी ७ वर्षीय मुलीवर बलात्कार करून  गळा आवळून तिची हत्या करण्यात आली. नंतर तिचा मृतदेह डोंगरातील ओघळीमध्ये झाडीत टाकून दिल्याचे ३० डिसेंबरच्या पहाटे उघडकीस आले.

सीसीटीव्हीच्या साहाय्याने संशयित आरोपीला पोलिसांनी कह्यात घेतले असून संतोष चंदू थोरात (वय ४८ वर्षे) असे त्याचे नाव आहे. या घटनेविषयी पाटण तालुक्यासह सातारा जिल्ह्यातून तीव्र संताप व्यक्त करण्यात येत आहे.