केजरीवाल यांनी अनधिकृत चर्चला त्वरित पर्यायी भूमी दिली

पणजी, १५ डिसेंबर (वार्ता.) – देहली येथील लाडो सराय या भागातील सायरो-मलाबार चर्चचे व्यवस्थापन चालवत असलेले ‘लिटल फ्लॉवर चर्च’ देहली विकास प्राधीकरणाने अनधिकृत ठरवून हल्लीच पाडली होती. या घटनेची नोंद घेऊन देहलीचे मुख्यमंत्री अरविंद केजरीवाल यांनी ‘लिटल फ्लॉवर चर्च’ला प्रार्थनेसाठी तात्पुरती भूमी पुरवली आहे. या भूमीत आता चर्चचे व्यवस्थापन नाताळ साजरा करणार आहे. या प्रकरणी त्वरित हे साहाय्य केल्याने चर्चचे आर्चबिशप भरणीकुलंगारा यांनी मुख्यमंत्री केजरीवाल यांचे आभार मानले आहेत. (भारतात हिंदूंची अनेक मंदिरे पाडण्यात आली आहेत; मात्र त्या वेळी ‘आप’ने हिंदूंना कोणते साहाय्य केले ?  – संपादक)