भरतपूर (राजस्थान) येथे महाविद्यालयीन तरुणीचे अपहरण करून तिच्यावर सामूहिक बलात्कार

ठाणे अंमलदाराकडून तक्रार नोंदवण्यास नकार : पीडिता आणि तिच्या कुटुंबियांची पोलीस ठाण्यातून हाकालपट्टी !

काँग्रेसच्या राज्यात महिला असुरक्षित ! – संपादक

तक्रार नोंदवण्यास नकार देणार्‍या पोलिसांना नोकरीतून कायमचे काढून टाकून त्यांना कायद्याचे पालन न केल्यावरून कारागृहात टाकले पाहिजे ! – संपादक

भरतपूर (राजस्थान) – येथे एका महाविद्यालयाच्या प्रवेशद्वारावरून विद्यार्थिनीचे अपहरण करून तिला जंगलात नेऊन तिच्यावर सामूहिक बलात्कार केल्याची घटना घडली. या विरोधात तक्रार प्रविष्ट करण्यासासाठी पीडित तरुणी तिच्या कुटुंबियांसह पोलीस ठाण्यात गेली असता तेथील ठाणे अंमलदाराने तक्रार नोंदवून घेण्याऐवजी त्यांना हाकलून दिले. याविषयी जिल्हा पोलीस अधीक्षक देवेंद्र कुमार विश्‍नोई यांच्याकडे तक्रार केल्यानंतर ठाणे अंमलदाराला निलंबित करण्यात आले आहे. यासह बलात्काराच्या घटनेची चौकशी उपअधीक्षकांना करण्याचा आदेश देण्यात आला आहे.