सनातन प्रभात > Location > आशिया > भारत > छत्तीसगढ > छत्तीसगडमध्ये पाद्य्राचा विधवा महिलेवर २ वर्षे बलात्कार

छत्तीसगडमध्ये पाद्य्राचा विधवा महिलेवर २ वर्षे बलात्कार

  • ख्रिस्ती पाद्य्राचे सेवेच्या आडून केलेले वासनांध कृत्य उघड !

  • पीडितेने १० वर्षांपूर्वी केले होते धर्मांतर

हिंदु संतांवरील तथाकथित आरोपांमुळे अनेक दिवस ‘मीडिया ट्रायल’ चालवणारी प्रसारमाध्यमे (प्रसारमाध्यमांकडून ‘न्यायाधिशा’च्या भूमिकेत जाऊन अनेक दिवस संबंधितांवर यथेच्छ टीका करण्याचा प्रकार) ख्रिस्ती पाद्य्रांच्या गुन्हेगारी कृत्यांवर मात्र पांघरूण टाकतात, हे लक्षात घ्या ! – संपादक

दंतेवाडा (छत्तीसगड) – नक्षलप्रभावित दंतेवाडा जिल्ह्यातील गिदम शहरामध्ये असलेल्या एका चर्चच्या पाद्य्राने ३५ वर्षीय विधवा महिलेवर सतत बलात्कार केला. पीडिता गरोदर राहिल्यानंतर त्याने औषधी दुकानामधून आणलेल्या गर्भपाताच्या गोळ्या तिला बलपूर्वक खायला लावल्या. त्यामुळे पीडितेची स्थिती बिघडल्याने तिला रुग्णालयात भरती करावे लागले. पीडितेची गंभीर स्थिती पाहून आधुनिक वैद्यांनी तिला उपचारांसाठी जिल्हा रुग्णालयामध्ये हलवले. याप्रकरणी पोलिसांनी पाद्य्राला अटक केली आहे.

पोलिसांनी दिलेल्या माहितीप्रमाणे १२ वर्षांपूर्वी पीडितेच्या पतीचा मृत्यू झाला होता. तिला एक मुलगी आहे. मुलीला सासू-सासर्‍यांजवळ ठेवून पीडिता मोलमजुरी करून उदरनिर्वाह करत होती. एकदा ती पुष्कळ आजारी पडली. तेव्हा ख्रिस्ती प्रचारकांनी तिला उपचार करण्यासाठी साहाय्य केले. त्यानंतर त्यांनी तिचे धर्मांतर केले. तसेच तिला रहाण्यासाठी घरही दिले. (हिंदूंच्या असाहाय्यतेचा अपलाभ उठवणारे धूर्त ख्रिस्ती ! हिंदूंना धर्मशिक्षण मिळाले असते, तर ते त्यांच्या जीवनातील कठीण प्रसंगांना धीराने सामोरे जाऊ शकले असते. हिंदूंमधील धर्माभिमानशून्यताच सर्व समस्यांमागील कारण आहे, हे जाणा ! – संपादक)

पोलिसांनी पुढे सांगितले की, अनुमाने २ वर्षांपूर्वी पाद्री बाबुलाला नाग (वय ४३ वर्षे) याने पीडितेला लग्नाचे आमीष दाखवले होते. तेव्हापासून तो पीडितेवर सतत बलात्कार करत होता. या काळात पीडिता २ मासांची गर्भवती राहिली. तेव्हा पाद्य्राने तिला गर्भपात करायला लावला. त्यामुळे तिची स्थिती नाजूक झाली आणि तिला स्थानिक रुग्णालयामध्ये भरती करावे लागले.

नूतन लेख