गेली ११ वर्षे शास्त्रानुसार श्री गणेशमूर्ती सिद्ध करून घेऊन त्या वितरित करणारे मिरज येथील नितीन कुलकर्णी !

मिरज, १० सप्टेंबर (वार्ता.) – मिरज येथील श्री. नितीन कुलकर्णी हे गेली ११ वर्षे श्री गणेशमूर्ती शास्त्रानुसार आणि सनातनच्या सात्त्विक गणेश चित्राप्रमाणे सिद्ध करून घेऊन त्या वितरित करत आहेत. या मूर्ती शाडू मातीच्या असून त्या नैसर्गिक रंगात रंगवलेल्या आहेत. गेली दोन वर्षे कोरोना संसर्गाची पार्श्‍वभूमी असूनही श्री. कुलकर्णी यांना भाविकांचा चांगला प्रतिसाद मिळाला.

या संदर्भात अधिक माहिती देतांना श्री. नितीन कुलकर्णी म्हणाले, ‘‘केवळ सांगली-कोल्हापूरच नाही, तर सोलापूर जिल्ह्यातूनही भाविकांची मूर्तीसाठी मागणी आहे. सनातन प्रभातच्या वाचकांची यात प्रामुख्याने मागणी आहे. मिरज येथील स्टेट बँकेतही आता प्रतिवर्षी आमच्याकडील मूर्तीची स्थापना करतात. मूर्ती समवेत अनेक भाविक सनातन निर्मित सात्त्विक उत्पादनेही नेतात. मूर्ती घरी नेल्यावर आनंद वाटणे, शांत वाटणे, घरात प्रसन्नता वाटणे यांसह अन्यही अनुभूती भाविकांना येतात.’’