मंदिरात प्रवेशासाठी आंदोलन करणारे भाजपचे आमदार सुधीर मुनगंटीवार यांसह कार्यकर्त्यांवर गुन्हा नोंद !

हिंदूबहुल देशात मंदिरे खुली करण्यासाठी आंदोलन करावे लागणे हे हिंदूंना लज्जास्पद ! – संपादक 

मुंबई – मंदिरांमध्ये प्रवेश मिळावा, यासाठी ३१ ऑगस्ट या दिवशी दक्षिण मुंबईतील बाबुलनाथ मंदिराच्या बाहेर आंदोलन करणारे भाजपचे आमदार सुधीर मुनगंटीवार यांसह भाजपच्या कार्यकर्त्यांवर पोलिसांनी गुन्हा नोंदवला आहे. कोरोनाविषयक नियमांचे उल्लंघन केल्याप्रकरणी गावदेवी पोलीस ठाण्यात आंदोलकांवर गुन्हा नोंदवण्यात आला असून कुणालाही अटक करण्यात आलेली नाही. पोलिसांनी गुन्हा नोंदवलेल्या सर्वांना नोटीस पाठवण्यात येणार असल्याचे म्हटले आहे.