उंचगाव येथे करवीर शिवसेनेच्या पुढाकाराने बँक आपल्या दारी उपक्रम

१६ लाख रुपयांच्या रकमेचे सानुग्रह अनुदान वाटप

उंचगाव (जिल्हा कोल्हापूर) – संजय गांधी, श्रावण बाळ, वृद्धापकाळ, इंदिरा गांधी, आदी सरकारच्या योजनांद्वारे नागरिकांना कोल्हापूर जिल्हा मध्यवर्ती सहकारी बँक लि. शाखा मार्केट यार्ड येथे सानुग्रह अनुदान दिले जाते. येथे जाण्यासाठी लाभार्थ्यांना मोठी पायपीट करावी लागते. तरी लाभार्थ्यांची परवड होऊ नये म्हणून करवीर शिवसेनेचे तालुकाप्रमुख श्री. राजू यादव यांच्या पुढाकाराने बँक आपल्या दारी या उपक्रमाच्या अंतर्गत उंचगावात १६ लाख रुपयांच्या रकमेचे सानुग्रह अनुदान वाटप करण्यात आले. या वेळी सर्वश्री संतोष चौगुले, वसंत मोरे, दीपक रेडेकर, विक्रम चौगुले, महादेव चव्हाण, बाळासाहेब नलवडे, केरबा माने, विराग करी यांसह अन्य उपस्थित होते.