सनातन प्रभात > Post Type > बातम्या > राष्ट्रीय बातम्या > बंगालमध्ये भाजप कार्यकर्त्याच्या पत्नीवर तृणमूल काँग्रेसच्या कार्यकर्त्यांनी सामूहिक बलात्कार केल्याचा आरोप

बंगालमध्ये भाजप कार्यकर्त्याच्या पत्नीवर तृणमूल काँग्रेसच्या कार्यकर्त्यांनी सामूहिक बलात्कार केल्याचा आरोप

  • पोलिसांकडून ५ पैकी दोघा आरोपींना अटक

  • तृणमूल काँग्रेसकडून पीडितेला पाठिंबा
  • या आरोपामध्ये तथ्य असेल, तर तृणमूल काँग्रेसमध्ये राष्ट्रघातकी, समाजघातकी, भ्रष्ट यांसह बलात्कार्‍यांचाही भरणा आहे, हे पुढे येईल ! असा पक्ष लोकशाहीसाठी धोकादायक ! – संपादक
  • बंगालमध्ये सत्तेवर असलेला तृणमूल काँग्रेस पक्ष याची नोंद घेऊन संबंधितांवर कारवाई करणार का ? – संपादक
प्रतिकात्मक छायाचित्र

हावडा (बंगाल) – येथे भाजपच्या एका कार्यकर्त्याने तृणमूल काँग्रेसचे स्थानिक नेते आणि कार्यकर्ते यांनी त्याच्या ३४ वर्षीय मूक पत्नीवर सामूहिक बलात्कार केल्याचा आरोप करत पोलिसांत तक्रार केली आहे. यावर तृणमूल काँग्रेसनेही पीडित कुटुंबाला पाठिंबा देत दोषींना शिक्षा करण्याची मागणी केली आहे. (नुसता पाठिंबा देऊन अशी मागणी करणे पुरेसे नसून स्वपक्षातील संबंधित बलात्कार्‍यांवर कारवाई होण्यासाठी त्यांनी प्रयत्न करणे अपेक्षित ! – संपादक) यानंतर पोलिसांनी गुन्हा नोंद करून ५ पैकी २ जणांना अटक केली आहे. उर्वरित तिघांचा शोध घेतला जात आहे. बलात्काराची घटना घडली तेव्हा भाजपचा कार्यकर्ता आणि त्याचा मोठा मुलगा घरी नव्हते. या पीडित महिलेवर रुग्णालयात उपचार चालू असून तिला पोलीस संरक्षण देण्यात आले आहे. तृणमूल काँग्रेसचे आमदार सुकांतकुमार पॉल आणि पक्षाचे काही नेते यांनी  रुग्णालयात जाऊन पीडितेची भेट घेतली.

नूतन लेख