पाथर्डी येथे ‘प्रोटीन’ऐवजी गुंगीकारक औषध विकणार्‍या मुसलमानास अटक !

पाथर्डी (जिल्हा अहिल्यानगर) – शहरातील व्यायामशाळेतील तरुणांना प्रथिने आणि स्नायूवर्धक औषधांच्या नावाखाली गुंगीकारक औषधांची विक्री होत होती. या प्रकरणी पाथर्डी पोलिसांनी शेरू राजू शेख याला अटक केली असून त्याचा साथीदार मोहसिन शेख पसार झाला आहे. आरोपी शेखकडून ६२ सहस्र ५०४ रुपयांचा मुद्देमाल जप्त केला. (लोकसंख्येत अल्पसंख्य गुन्हेगारीत मात्र आघाडीवर ! – संपादक)

वैद्यकीय सल्ल्याविना आणि आधुनिक वैद्यांच्या चिठ्ठीविना या औषधांची विक्री होत होती. ‘मेफेन्टरमाईन सल्फेट’ हे औषध ‘एच्’ प्रवर्गातील असल्याचे स्पष्ट झाले. ही कारवाई पाथर्डी पोलीस आणि अन्न व औषध प्रशासन विभागाने संयुक्तरित्या केली.