‘महावितरण’च्या लाचखोर अतिरिक्त कार्यकारी अभियंत्यास पुणे येथे अटक !

पुणे – नवीन इमारतीतील वीजमीटर जोडणीसाठी ठेकेदाराकडून लाचेची मागणी करणारे अतिरिक्त कार्यकारी अभियंता रामचंद्र नारायण लोंढे यांना लाचलुचपत प्रतिबंधक विभागाने ४ जून या दिवशी अटक केली. तक्रारदाराने लाचलुचपत प्रतिबंधक विभागाकडे तक्रार प्रविष्ट केली होती.

१. तक्रारदार हे ठेकेदार असून ते ‘महावितरण’ची कामे करतात. ‘महावितरण’ उपविभाग २ हडपसर अंतर्गत नवीन १२ वीजमीटर जोडणीचे काम केले.

२. या कामाच्या मोबदल्यात प्रतिमीटर १२ सहस्र रुपयांची मागणी लोंढे यांनी केली होती, तसेच एका नवीन इमारतीच्या कामासाठी ५० सहस्र रुपयांचीही मागणी केली.

३. आरोपी लोंढे यांनी १२ सहस्र रुपयांपैकी ४ सहस्र ५०० रुपये यापूर्वीच स्वीकारल्याचे मान्य केले. उर्वरित ७ सहस्र ५०० रुपयांची मागणी केल्याचे निष्पन्न झाले.