सोलापूर येथे श्रीशिवप्रतिष्ठान हिंदुस्थानच्या धारकर्‍यांनी थांबवली श्री गणेश मूर्तींची विटंबना !

सोलापूर, १८ जून (वार्ता.) – येथील दत्त चौकातील गणपति घाटावरील कुंडात विसर्जित केलेल्या श्री गणेशमूर्ती कुंडातील पाणी न्यून झाल्याने उघड्या पडल्या होत्या. त्यामुळे उघड्यावर पडलेल्या गणेशमूर्तींची विटंबना होण्याची शक्यता होती. ही विटंबना रोखण्यासाठी श्रीशिवप्रतिष्ठान हिंदुस्थानच्या धारकर्‍यांनी तेथे तात्काळ धाव घेऊन या मूर्ती बाहेर काढल्या. या मूर्ती महापालिकेच्या वाहनातून सोलापूरच्या जवळच असलेल्या हिप्परगा तलाव येथे विसर्जित केल्या. या वेळी सोलापूर येथील श्रीशिवप्रतिष्ठान हिंदुस्थानचे धारकरी उपस्थित होते.