शिर्डीमध्ये (नगर) अवघ्या सहा मासाच्या मुलीचा म्यूकरमायकोसिसमुळे मृत्यू !

शिर्डी(नगर),१५ जून – येथील कोपरगाव तालुक्यातील कोरके कुटुंबातील अवघ्या ६ मासाच्या मुलीचा म्यूकरमायकोसिसमुळे मृत्यू झाला आहे. तिला मेमध्ये अचानक जुलाब आणि उलट्यांचा त्रास होऊ लागल्यामुळे उपचारासाठी खासगी रुग्णालयात भरती करण्यात आले होते; मात्र परिस्थिती नाजूक असल्याने आधुनिक वैद्यांच्या सल्ल्यानुसार तिला उपचारासाठी नाशिकला हलवण्यात आले. तेथे गेल्यानंतर तिला म्यूकरमायकोसिस झाल्याचे लक्षात आले. या वेळी उपचारादरम्यान तिचा मृत्यू झाला.