बोईसर (जिल्हा पालघर) येथे देयकाच्या वादातून रुग्णालयाच्या व्यवस्थापकावर आक्रमण !

आक्रमणकर्त्यावर कारवाई न केल्यास रुग्णालयातील कर्मचार्‍यांची आंदोलनाची चेतावणी

पालघर, १० मे (वार्ता.) – जिल्ह्यातील बोईसर तालुक्यातील तारापूर औद्योगिक वसाहतातील तुंगा या खासगी कोविड रुग्णालयातील व्यवस्थापकावर देयकाच्या रकमेवरून झालेल्या वादात भाजपचे कार्यकर्ता प्रशांत संख्ये यांनी आक्रमण करून रुग्णालयातील इतर वस्तूंची हानी केली, असा आरोप रुग्णालयातील कर्मचार्‍यांनी केला आहे. या प्रकरणी बोईसर पोलीस ठाण्यात गुन्हा नोंद करून संबंधितांवर कठोर कारवाई करावी, अन्यथा आंदोलनाची चेतावणी रुग्णालयातील कर्मचार्‍यांनी दिली आहे.

या रुग्णालयात सध्या ३५ रुग्णांवर चालू आहेत. याविषयी गुन्हा नोंद करण्याची प्रक्रिया चालू असल्याचे बोईसर पोलिसांनी सांगितले आहे.