नाशिक येथे कोरोनाचे नियम डावलून भावी पोलीस अधिकार्‍यांकडून ‘डान्स पार्टी’ !

भावी पोलीस अधिकारीच जर नियम तोडू लागले, तर ते कायदा-सुव्यवस्था कशी राखणार ?

नाशिक – येथे महाराष्ट्र पोलीस प्रबोधिनीच्या वतीने आयोजित कार्यक्रमात ‘डान्स पार्टी’ करण्यात आली. यामध्ये सहभागी पोलीस हे भावी पोलीस अधिकारी आहेत. ते ३० मार्चपासून राज्याच्या सेवेत सहभागी होणार आहेत. विविध गाण्यांवर मोठ्या संख्येत एका सभागृहात हे भावी पोलीस अधिकारी नाचतांना दिसत होते. कोरोनाच्या नियमांचे पोलिसांकडूनच उल्लंघन करण्यात आले आहे.