थकित कर्ज हप्त्यांवरील व्याजावर व्याज आकारू नये !

सर्वोच्च न्यायालयाचा बँकांना आदेश

नवी देहली – सर्वोच्च न्यायालयाने थकित कर्ज हप्त्यांवरील व्याजावर व्याज आकारू नये, असा आदेश बँकांना दिला आहे. तसेच ज्या बँकांनी व्याजावर व्याज वसूल केले आहे त्यांनी पुढील मासिक हप्त्यांमध्ये ते सामावून घ्यावे, असाही आदेश दिला आहे. कोरोनामुळे घातलेल्या दळणवळण बंदीच्या काळात ‘लोन मोरॅटोरिम’ सुविधेने कर्जदारांना तात्पुरता दिलासा मिळाला होता; मात्र या सुविधा आणखी काही काळ चालू रहावी म्हणून काही व्यापारी संघटनांनी न्यायालयात याचिका प्रविष्ट केली होती. त्यावर हा आदेश देत ‘लोन मोरॅटोरिम’ला मुदतवाढ देण्यास नकार दिला.