सावंतवाडी येथे अज्ञाताकडून ४ चारचाकी गाड्यांची तोडफोड

 सावंतवाडी – शहरातील सालईवाडा येथे उभ्या असलेल्या ४ चारचाकी गाड्यांच्या काचा २४ मार्चला रात्री अज्ञात व्यक्तीने फोडल्या. या गाड्यांमध्ये कोल्हापूर येथील उपविभागीय पोलीस अधिकार्‍यांच्या गाडीचा समावेश आहे.

एका अज्ञात दुचाकीस्वाराने हा प्रकार केल्याचे येथील काही नागरिकांनी सांगितले. शहरातील सी.सी.टी.व्ही.च्या माध्यमातून त्या अज्ञाताचा शोध घेणार असल्याचे पोलिसांनी सांगितले.