राज्य सरकारच्या नगररचना विभागाच्या निलंबित सहसंचालकास अटक !

पुणे – पुणे जिल्ह्यात बनावट दस्तऐवजाच्या आधारे जमीन खरेदी-विक्रीचे व्यवहार करून अनेकांची फसवणूक केल्याप्रकरणी निलंबित सहसंचालक हनुमंत नाझीरकर यांस ग्रामीण पोलिसांच्या स्थानिक गुन्हे अन्वेषण विभागाच्या पथकाने अटक केली आहे. त्याच्यावर बारामती पोलीस ठाण्यात गुन्हा नोंद झाल्यापासून ते काही मासांपासून पसार होते.

त्यांना अटक करण्यासाठी अधीक्षक अभिनव देशमुख यांनी खास पथक सिद्ध केले होते. त्यांच्यावर दत्तवाडी, अलंकार आणि नवी मुंबई पोलीस ठाण्यातही गुन्हे नोंद आहेत.