देशात साडेतीन कोटी लसींच्या डोसचा वापर, तर परदेशांना ५ कोटी ८४ लाख डोसची निर्यात  !

नवी देहली – भारताने उत्पादित केलेल्या कोरोना लसीपैकी ३ कोटी ४८ लाख लसींचे डोस देशात आतापर्यंत वापरण्यात आले आहेत, तर ५ कोटी ८४ लाख डोस ७० देशांना निर्यात करण्यात आले आहेत, अशी माहिती आरोग्य आणि कुटुंब कल्याण राज्यमंत्री अश्‍विनीकुमार चौबे यांनी राज्यसभेत दिली. ‘देशात लसीचा भरपूर साठा असून येथील लोकांची गरज भागवून इतर देशांना लस निर्यात केली जात आहे’, असे चौबे यांनी स्पष्ट केले.