बाळ बोठे यांना ७ दिवसांची पोलीस कोठडी !

बोठे यांच्या खिशात सापडली ‘सुसाईड नोट’ !

नगर – यशस्विनी महिला ब्रिगेडच्या अध्यक्षा रेखा जरे यांच्या हत्याकांडमधील प्रमुख सूत्रधार असलेले आरोपी बाळ बोठे यांना नगरच्या पोलिसांनी अटक केली होती. आज त्यांना पारनेर न्यायालयात उपस्थित केले असता २० मार्चपर्यंत म्हणजे ७ दिवसांची पोलीस कोठडी सुनावण्यात आली आहे. बाळ बोठे यांना हैदराबाद येथून अटक करण्यात आली आहे. त्यांच्या खिशात ‘सुसाईड नोट’ सापडली होती. तसेच त्यांचा नैसर्गिक किंवा अपघाती मृत्यू झाल्यास कोणाला संपर्क करावा, यासंदर्भातील माहितीही ‘सुसाईड नोट’मध्ये देण्यात आली होती, असे नगर पोलीस अधीक्षक यांनी पत्रकार परिषदेत सांगितले.