खासदार उदयनराजे यांनी घेतली राज ठाकरे यांची भेट

सातारा, १ मार्च (वार्ता.) – भाजपचे खासदार श्रीमंत छत्रपती उदयनराजे भोसले यांनी महाराष्ट्र नवनिर्माण सेनेचे अध्यक्ष राज ठाकरे यांची मुंबई येथील ‘कृष्णकुंज’ या निवासस्थानी भेट घेतली. या भेटीचे कारण अद्याप कळू शकले नाही; मात्र मराठा आरक्षणाविषयी चर्चा करण्यासाठी या दोन नेत्यांमध्ये भेट झाल्याचे बोलले जात आहे.

खासदार श्रीमंत छत्रपती उदयनराजे भोसले यांनी आतापर्यंत राष्ट्रवादी काँग्रेस पक्षाचे अध्यक्ष खासदार शरद पवार, मुख्यमंत्री उद्धव ठाकरे, विरोधी पक्षनेते आमदार देवेंद्र फडणवीस, गृहराज्यमंत्री शंभूराज देसाई यांची भेट घेतली आहे. खासदार उदयनराजे हे प्रथमच ‘कृष्णकुंज’वर राज ठाकरे यांना भेटण्यासाठी गेले.