माघ द्वादशीलाही श्री विठ्ठल मंदिर दर्शनासाठी बंद रहाणार !

पंढरपूर (जिल्हा सोलापूर) – कोरोनाचा संसर्ग वाढत असल्याने २४ फेब्रुवारी (माघ शुक्ल पक्ष द्वादशी) या दिवशी श्री विठ्ठल मंदिर भाविकांना दर्शनासाठी बंद ठेवण्याचे आदेश जिल्हाधिकारी मिलिंद शंभरकर यांनी दिले आहेत. २२ आणि २३ फेब्रुवारी हे दोन दिवस श्री विठ्ठल मंदिर बंद ठेवण्याचा निर्णय मंदिर समितीने घेतला होता. जिल्हाधिकारी मिलिंद शंभरकर यांनी याविषयी स्वतंत्र आदेश काढला असून त्याविषयी श्री विठ्ठल-रुक्मिणी मंदिर समितीला कळवण्यात आले आहे.