मुसलमानाने केलेल्या प्राणघातक आक्रमणात दुसरा मुसलमान गंभीर घायाळ

छत्रपती संभाजीनगर – येथे महाविद्यालयात बी.ए. प्रथम वर्षाच्या प्रवेशासाठी मुजाईद कुरेशी (वय २४ वर्षे) आणि त्याची बहीण कु. रश्मीन फातिमा कुरेशी (वय १९ वर्षे) आले होते. ते दोघे महाविद्यालयाच्या बागेत थांबले होते. त्याच वेळी तेथे आलेल्या सुफियान पठाण आणि त्याच्या साथीदाराने ‘तुम्ही येथे का बसलात ?’, अशी विचारणा करत वाद घालण्यास प्रारंभ केला. आम्ही भाऊ-बहीण असल्याचे सांगूनही ‘रुक तेरे को बताता हूँ ।’, असे म्हणत सुफियानने शिवीगाळ करत थेट चाकूने तरुणाची छाती आणि गळा यांवर वार करून आरोपी पसार झाले. त्याच्यावर घाटी शासकीय रुग्णालयात उपचार चालू आहेत. या प्रकरणी सिटी चौक पोलीस ठाण्यात आरोपी सुफियान पठाण आणि त्याच्या साथीदाराविरुद्ध गुन्हा नोंद करण्यात आला आहे. ही घटना दुपारी हडको कॉर्नर परिसरातील महाविद्यालय परिसरात घडली.