TMC, BJP Workers Clash : कोलकाता विमानतळावर तृणमूल काँग्रेस आणि भाजप यांच्या कार्यकर्त्यांमध्ये झटापट

कोलकाता (बंगाल) – येथील विमानतळावर तृणमूल काँग्रेसचे सरचिटणीस अभिषेक बॅनर्जी यांचे स्वागत करण्यासाठी पोचलेले तृण्मूल काँग्रेसचे कार्यकर्ते आणि भाजपचे कार्यकर्ते यांच्यात १९ जूनच्या रात्री झटापट झाली. या वेळी एक महिला बेशुद्ध पडली. बॅनर्जी नवी देहली येथे लोकसभा अध्यक्ष ओम बिर्ला यांची भेट घेऊन परत येत होते.

अभिषेक बॅनर्जी यांच्या एका समर्थकाने आरोप केला की, भाजपशी संबंधित काही लोक विमानतळावर आले आणि तृमणूलच्या कार्यकर्त्यांशी गैरवर्तन करू लागले. त्यांच्या हातात अंडी होती आणि नंतर त्यांनी शस्त्रेही काढली. विमानतळ प्राधिकरण आणि सुरक्षा व्यवस्था असूनही शस्त्रे आत कशी पोचली ?, असा प्रश्न त्यांनी उपस्थित केला.