राजस्थानमध्ये आयकर विभागाच्या सर्वांत मोठ्या धाडीतून १ सहस्र ७०० कोटी रुपयांची संपत्ती जप्त !

जयपूर (राजस्थान) – आयकर विभागाने येथे एक सराफा व्यापारी आणि २ विकासक यांच्या ठिकाणांवर धाडी घालून १ सहस्र ७०० कोटी रुपयांहून अधिक बेहिशोबी संपत्ती जप्त केली. सराफा व्यापार्‍याच्या तळघरात ७०० कोटी रुपयांचे मौल्यवान वस्तू सापडले. राजस्थानमध्ये पहिल्यांदाच इतक्या मोठ्या संख्येने बेहिशोबी संपत्ती जप्त करण्यात आली. २०० कर्मचारी ५ दिवस धाडीत सापडलेल्या सामानाचे मूल्यांकन करत होते.