सनातन प्रभात > Post Type > बातम्या > राष्ट्रीय बातम्या > दिग्दर्शक साजिद खान यांनी अभिनेत्री जिया खान हिचे लैंगिक शोषण केले होते !

दिग्दर्शक साजिद खान यांनी अभिनेत्री जिया खान हिचे लैंगिक शोषण केले होते !

आत्महत्या केलेली अभिनेत्री जिया खान हिची बहीण करिश्मा खान हिचा आरोप  

  • चित्रपटसृष्टीत घडणार्‍या लैंगिक शोषणाच्या घटना पहाता अशी चित्रपटसृष्टी कधीतरी समाजाला दिशा देईल का ? यावरून सध्याच्या चित्रपटसृष्टीचे भीषण वास्तव लक्षात येते !
  • चित्रपटातील महिला कलाकारांचे लैंगिक शोषण करणार्‍या साजिद खान यांच्यासारख्या वासनांधांवर प्रेक्षकांनीच बहिष्कार टाकून त्यांना अद्दल घडवली पाहिजे !  
जिया खान व साजिद खान

मुंबई – वर्ष २०१० मध्ये प्रदर्शित झालेल्या ‘हाऊसफूल’ या चित्रपटाचा सराव चालू असतांना जिया खान हिला साजिद खान याने कपडे काढायला सांगितले होते. या चित्रपटासाठी त्यांच्यासमवेत करार केला असल्यामुळे तिला त्या चित्रपटात काम करावे लागले, असे जिया खान हिची बहीण करिश्मा खान हिने ‘डेथ इन बॉलिवूड’ या माहितीपटाच्या दुसर्‍या भागात सांगितले आहे. ‘बीबीसी’ वृत्तवाहिनीवर हा माहितीपट प्रदर्शित झाला आहे.

चित्रपटात काम केले नाही, तर कारवाई करतील. करिअर संपेल, यामुळे चित्रपटात काम करणे आणि लैंगिक शोषणाला सामोरे जाणे अपरिहार्य असल्याने जिया हिची कोंडी झाली होती. असे करिश्मा खान यांनी सांगितले.

यापूर्वी मॉडेल पौला हिने दिग्दर्शक साजिद खान यांच्यावर लैंगिक शोषण केल्याचा आरोप केला होता. पौला हिने सामाजिक माध्यमांवर केलेल्या एका पोस्टमध्ये म्हटले आहे, ‘साजिद मला अश्‍लील संदेश पाठवत असे. मला चुकीच्या पद्धतीने स्पर्श करायचा. त्याने मला त्याच्यासमोर विवस्त्र व्हायला सांगितले. त्याने असे किती महिलांसमवेत केले आहे, हे देवच जाणो. तेव्हा मी बोलू शकले नव्हते; पण आता पुरे झाले. त्याला कारागृहात डांबले पाहिजे.’

नूतन लेख