पुण्यातील मानाच्या अखिल मंडई गणपती मंदिरातील २० ते २२ तोळे वजनाच्या सोन्याच्या हाराची चोरी

हिंदूंची असुरक्षित मंदिरे !

पुणे – मानाच्या अखिल मंडई गणपती मंदिराच्या लोखंडी दरवाजाची कडी उचकटून चोरट्यांनी मंदिरातील मूर्तीवरील २० ते २२ तोळे वजनाचे सोन्याचे २ हार चोरून नेल्याची घटना ८ जानेवारीच्या पहाटे घडली. चोरट्यांनी जातांना दानपेटी फोडून रोख रक्कमसुद्धा चोरली आहे. या प्रकरणी विश्रामबाग पोलिसांनी घटनास्थळी धाव घेतली आहे. या प्रकरणी गुन्हा नोंद करण्याचे काम चालू आहे. मंदिराचे पुजारी सकाळी ६ वाजता मंदिरात आल्यानंतर हा चोरीचा प्रकार समोर आला. त्यांनी तात्काळ मंडळाच्या पदाधिकार्‍यांना घटनेची माहिती दिली.

(सौजन्य : लोकसत्ता.com)