देशाचे सरन्यायाधीश शरद बोबडे यांचा डी.लिट.ने सन्मान होणार

नागपूर – देशाचे सरन्यायाधीश शरद बोबडे यांना राष्ट्रसंत तुकडोजी महाराज नागपूर विद्यापीठाच्या वतीने मानद डी.लिट. पदवी प्रदान करून सन्मानित करण्यात येणार आहे. नुकत्याच झालेल्या व्यवस्थापन परिषदेमध्ये या प्रस्तावाला मान्यता देण्यात आली. ‘विधि क्षेत्रातील त्यांचे योगदान हे नव्या पिढीकरिता आदर्श आहे. त्यामुळे त्यांना मानद डी.लिट. प्रदान करून विद्यापिठाने आपल्या माजी विद्यार्थ्यांचा सन्मान करावा’, अशी मागणी बार कौन्सिल ऑफ महाराष्ट्र गोवाच्या कार्यकारिणीचे सदस्य अधिवक्ता पारिजात पांडे आणि विद्यापिठाच्या व्यवस्थापन परिषद सदस्य यांनी केली होती.