सौ. वर्षा राऊत यांना अन्वेषणासाठी उपस्थित रहाण्यासाठी अंमलबजावणी संचालनालयाची दुसरी नोटीस

मुंबई – हाऊसिंग डेव्हलपमेंट इन्फ्रास्ट्रक्चर लिमिटेड आणि ‘पंजाब अँड महाराष्ट्र को-ऑपरेटिव्ह बँक यांतील यांमधील आर्थिक घोटाळ्याच्या प्रकरणी खासदार संजय राऊत यांच्या पत्नी सौ. वर्षा राऊत यांना अंमलबजावणी संचालनालयाकडून दुसरी नोटीस पाठवण्यात आली आहे. ५ जानेवारी या दिवशी त्यांना अन्वेषणासाठी अंमलबजावणी संचालनालयाच्या कार्यालयात उपस्थित रहाण्याविषयी सांगण्यात आले आहे. यापूर्वी त्यांना २९ डिसेंबर या दिवशी अन्वेषणासाठी बोलावण्यात आले होते; मात्र उपस्थित रहाण्यासाठी त्यांनी मुदत वाढवण्याची विनंती केली होती. ही विनंती मान्य करून त्यांना दुसरी नोटीस पाठवण्यात आली आहे.