भिवंडीतील काँग्रेसच्या १६ नगरसेवकांचा राष्ट्रवादी काँग्रेसमध्ये प्रवेश

काँग्रेसला अंतर्गत वादाची घरघर !

ठाणे, २३ डिसेंबर (वार्ता.) – भिवंडी येथील काँग्रेसमध्ये चालू असलेल्या अंतर्गत वादामुळे काँग्रेसच्या १६ नगरसेवकांनी उपमुख्यमंत्री अजित पवार यांच्या उपस्थितीत राष्ट्रवादी काँग्रेसमध्ये प्रवेश केला आहे. भिवंडी महानगरपालिकेतील महापौरपदाच्या निवडीपासून काँग्रेसमध्ये अंतर्गत वाद चालू होते. या सर्व नगरसेवकांनी भाजपला मदत केली म्हणून काँग्रेस पक्षाने त्यांना नोटीस दिली होती. त्यानंतर त्यांनी राष्ट्रवादी काँग्रेस पक्षात प्रवेश केला आहे.