भारतीय तटरक्षक दलाच्या ‘सुजित’ गस्ती जहाजाचे लोकार्पण

पणजी, १८ डिसेंबर (वार्ता.) – भारतीय तटरक्षक दलाच्या ‘सुजित’या गस्ती जहाजाचे ‘गोवा शिपयार्ड’ येथे लोकार्पण करण्यात आले. या ‘ऑफ शोर’ गस्ती जहाजाचे ‘डिझाईन’, तसेच जहाजाची बांधणी ‘गोवा शिपयार्ड’ने केली आहे. जहाजात तंत्रज्ञान, ‘नेव्हीगेशन’, दळणवळण यंत्रणा, ‘सेन्सर’ आदी आधुनिक साधनसुविधा बसवण्यात आल्या आहेत. संरक्षण मंत्रालयाचे (प्रॉडक्शन विभाग) सचिव राज कुमार यांच्या हस्ते, तसेच भारतीय तटरक्षक दलाचे महासंचालक कृष्णस्वामी नटराजन यांच्या उपस्थितीत लोकार्पण सोहळा ‘गोवा शिपयार्ड’ येथे पार पडला.