बांदा येथे अवैध मद्यासह ८ लाख रुपयांचे साहित्य पोलिसांच्या कह्यात

मद्याची अवैध वाहतूक रोखण्यासाठी ठोस उपाययोजना न काढता वारंवार तेच तेच करणारे पोलीस !

सावंतवाडी – मुंबई-गोवा महामार्गावर बांदा येथे पोलिसांनी अवैध मद्याच्या विरोधात केलेल्या कारवाईत ३ लाख ३६ सहस्र रुपयांचे गोवा बनावटीचे मद्य आणि वाहतुकीसाठी वापरलेली महिंद्रा गाडी, असा एकूण ८ लाख ३६ सहस्र रुपयांचा मुद्देमाल कह्यात घेतला. या प्रकरणी टोनी रेमेत फर्नांडिस (वरवडे, कणकवली) आणि शाहिद नासिर शेख (कोलगाव, सावंतवाडी) यांना अटक करण्यात आली. १० डिसेंबरला रात्री ही कारवाई करण्यात आली. उत्पादन शुल्क विभागाच्या कोल्हापूर येथील भरारी पथकाने ही कारवाई केली.