मुंबई येथे घायाळ युवकाला रुग्णालयात नेण्यास नकार देणार्‍या टॅक्सीचालकांच्या विरोधात गुन्हा नोंद

असंवेदनशील मानसिकतेचे उदाहरण !

मुंबई – रेल्वे अपघातामध्ये घायाळ झालेल्या व्यक्तीला रुग्णालयात नेण्यास नकार देणार्‍या ३ टॅक्सीचालकांच्या विरोधात पायधुनी पोलिसांनी गुन्हा नोंदवला आहे. ९ डिसेंबरच्या रात्री साडेनऊ वाजता मशिद बंदर येथील रेल्वे मार्गावर राविकेश रावत नावाचा युवक घायाळ अवस्थेत पडल्याचे आढळून आले. याची माहिती मिळताच २ पोलिसांनी त्याला सॅन्डहर्स्ट रोड स्थानकाच्या बाहेर आणले. रावत यांना उपचारासाठी तात्काळ रुग्णालयात नेणे आवश्यक होते; मात्र तेथे उभ्या असलेल्या ३ टॅक्सीचालकांना पोलिसांनी विनंती करूनही त्यांनी रावत यांना रुग्णालयात नेण्यास नकार दिला. त्यानंतर अन्य एका टॅक्सीचालकांनी रावत यांना रुग्णालयात नेले.