केंद्र सरकार प्रत्येक नागरिकाला कोरोनावरील लस विनामूल्य देण्याची शक्यता

नवी देहली – ‘रॉयटर’ या वृत्तसंस्थेने दिलेल्या वृत्तानुसार केंद्र सरकार कोरोनावरील लसीचा संपूर्ण खर्च उचलण्याची शक्यता आहे. या संदर्भात आर्थिक तरतुदीची घोषणा सरकारकडून केली जाऊ शकते. पुढील वर्षी फेब्रुवारीपासून लसीकरण होण्याची शक्यता वर्तवण्यात येत आहे. सूत्रांनी दिलेल्या माहितीनुसार या संदर्भातील योजना सरकारने सिद्ध केली आहे. देशातील १३० कोटी नागरिकांना लस देण्यासाठी ५०० कोटी रुपयांची तरतूद करण्यात येऊ शकते.