सार्वजनिक बांधकाम खात्यातील कामे पदवीधर अभियंत्यांना देणार

 गोवा- सार्वजनिक बांधकाम खात्यातील १० लाख रुपये खर्चाचे प्रकल्प पदवीधर अभियंत्यांना, तर ५ लाख रुपये खर्चाचे प्रकल्प पदविकाधारक (डिप्लोमा होल्डर) अभियंत्यांना देण्यात येणार आहे. ‘मुख्यमंत्री रोजगार योजना’ या नावाने ही योजना राबवली जाणार आहे. ३५ वर्षांखालील अभियंते या योजनेचा लाभ घेऊ शकणार आहेत. निविदा पद्धतीने स्पर्धात्मकरित्या ही कामे दिली जाणार आहेत. याविषयी अधिक माहिती देतांना मुख्यमंत्री डॉ. प्रमोद सावंत म्हणाले, ‘‘या योजनेअंतर्गत इच्छुकांना आर्थिक विकास महामंडळाच्या माध्यमातून कर्जही दिले जाणार आहे. ही योजना पुढे शासनाच्या इतर खात्यांमध्येही लागू केली जाणार आहे.’’