‘ऑनलाईन फूड डिलिव्हरी’चे काम करणार्‍या धर्मांधाला वाकड (पुणे) येथे अमली पदार्थांची विक्री करतांना अटक !

पिंपरी-चिंचवड – ‘ऑनलाईन फूड डिलिव्हरी’चे (ऑनलाईन अन्न पोचवण्याचे) काम करणार्‍या निसार मुजावर याला वाकड परिसरात एम्.डी. (मॅफेड्रॉन) पावडर विकतांना पोलिसांनी १८ जूनला अटक केली आहे. आरोपी निसार मुजावर हा मोकळ्या मैदानामध्ये ३८ सहस्र रुपये किमतीचे ७.६० ग्रॅम वजनाचे पांढर्‍या रंगाची एम्.डी. पावडर विकण्यासाठी घेऊन आला होता. पोलिसांनी सापळा रचून त्याला पकडले आणि त्याच्याकडून अमली पदार्थांसह प्लास्टिक पिशव्या, एक भ्रमणभाष आणि दुचाकी, असा एकूण १ लाख ५८ सहस्र रुपयांचा मुद्देमाल जप्त केला. या प्रकरणी वाकड पोलीस ठाण्याचे साहाय्यक पोलीस फौजदार संदीप गवारी यांनी दिलेल्या तक्रारीनुसार निसार मुजावर याला अटक केली आहे. ५ ते ६ महिन्यांपासून आरोपी अमली पदार्थांची विक्री करत होता.