हिंजवडी (पुणे) येथे लग्नाचे आमीष दाखवून अल्पवयीन मुलीवर अत्याचार !

पुणे – हिंजवडी भागात लग्नाचे आमीष दाखवून अल्पवयीन मुलीवर अत्याचार करून तिचा मानसिक छळ करण्यात आला. लग्न करायचे असेल, तर २ कोटी रुपये, ‘फॉर्च्युनर’ चारचाकी गाडी आणि सोन्याच्या दागिन्यांची मागणी केली. या प्रकरणी पीडितेने प्रतीक साखरे याच्या विरोधात हिंजवडी पोलीस ठाण्यात तक्रार प्रविष्ट केली आहे. या प्रकरणी अभिजित भोंडवे, बहीण प्रियांका साखरे, आई संगीता साखरे आणि मुख्य आरोपी प्रतीक साखरे यांच्यावर गुन्हा नोंद आहे. पीडितेने पोलीस ठाण्यात तक्रार प्रविष्ट केल्यानंतर पोलिसांनी आरोपी प्रतीक साखरे याला अटक केली. काही काळाने तो जामिनावर बाहेर आला.

पुन्हा आरोपी पीडिता आणि तिचे कुटुंबीय यांना ठार मारण्याची धमकी देत आहे. आरोपीच्या घरच्यांकडून विविध प्रकारे पीडिता आणि तिचे कुटुंब यांना त्रास देण्याचा प्रयत्न केला जात आहे. त्रासामुळे पीडिता २ दिवस बेशुद्ध होती. त्यानंतर पुन्हा ती न्यायासाठी लढत आहे.