Petrol Bombs At RSS : रांची (झारखंड) येथील रा.स्व. संघाच्या कार्यालयावर अज्ञातांनी फेकले पेट्रोल बाँब !

रांची (झारखंड) – येथील राष्ट्रीय स्वयंसेवक संघाच्या कार्यालयावर २ पेट्रोल बाँब फेकण्याची घटना १६ जूनच्या रात्री घडली. सुदैवाने दोन्ही बाटल्या कार्यालयाच्या आवारात पोचू शकल्या नाहीत. त्यामुळे मोठा अनर्थ टळला. सकाळी जेव्हा स्वयंसेवक कार्यालयाच्या परिसरात पोचले, तेव्हा त्यांना या घटनेची माहिती मिळाली. सीसीटीव्हीच्या चित्रीकरणाची पडताळणी करण्यात आल्यावर २ तरुण पेट्रोल बाँब फेकतांना दिसून आले. त्यानंतर या प्रकरणाची माहिती पोलिसांना देण्यात आली.