हवाईदलाचे विमान कोसळून ५ सैनिकांना वीरमरण

गौहत्ती (आसाम) – जोरहाट हवाई दलाच्या तळावर ‘एएन्-३२’ विमान उतरत असतांना ते कोसळून ५ सैनिकांना वीरमरण आल्याची माहिती भारतीय हवाई दलाने दिली. यामध्ये स्क्वॉड्रन लीडर प्रशांत सिंह, फ्लाईट लेफ्टनंट शुभम कुमार, सार्जंट जितेंद्र शर्मा, अग्निवीर वायू खेमाराम कुमावत आणि अग्निवीर वायू दानिश आलम यांचा समावेश आहे. अपघाताचे कारण शोधण्याचा आदेश चौकशी समितीला देण्यात आला आहे.

अशाच प्रकारची घटना ५ मार्चला घडली होती. आसाममधील कार्बी आंग्लाँग जिल्ह्यात भारतीय हवाई दलाचे सुखोई ‘सू-३०एम्.के.आय.’ हे लढाऊ विमान कोसळून त्यातील दोन्ही वैमानिकांचा मृत्यू झाला होता.