सरकारी अभियंत्याकडे आढळली कोट्यवधी रुपयांची संपत्ती !

कंधमाल (ओडिशा) – येथील बालीगुडा येथे कार्यरत असलेल्या ‘एकात्मिक आदिवासी विकास प्राधिकरणा’चे साहाय्यक कार्यकारी अभियंता बैकुंठ नाथ बेहरा यांच्या मालमत्तांवर दक्षता विभागाने घातलेल्या धाडीत मोठ्या प्रमाणावर बेहिशेबी संपत्ती आढळून आली. त्यांच्या ‘बँक लॉकर’मधून २ कोटी रुपयांहून अधिक रोकड, १.२५ किलोहून अधिक सोन्याचे दागिने, तसेच ४५ लाख रुपयांच्या मदुत ठेवी आढळून आल्या.

Verification of deposits, investments being done by Finance Wing of #Odisha #Vigilance. Measurement/assessment of immovable properties being done by Vigilance Technical Wing. Searches continuing.

— Odisha Vigilance (@OdishaVigilance) June 6, 2026

अन्वेषणाच्या वेळी भुवनेश्वर आणि जाजपूर येथे बेहरा यांच्या मालकीच्या ५ बहुमजली आलिशान इमारती असल्याचेही उघड झाले. भुवनेश्वर, जाजपूर आणि बारीपाडा येथे मिळून १४ भूखंड असल्याचेही निष्पन्न झाले. बेहरा हे वर्ष १९९९ मध्ये कनिष्ठ अभियंता म्हणून अवघ्या ६ सहस्र रुपये मासिक वेतनावर सरकारी सेवेत रूजू झाले होते. ज्ञात उत्पन्नापेक्षा अधिक मालमत्ता बाळगल्याच्या संशयावरून दक्षता विभागाने भुवनेश्वर, जाजपूर, मयूरभंज आणि कंधमाल येथील विविध ठिकाणी धाडी घातल्या. या प्रकरणी त्यांच्याविरुद्ध भ्रष्टाचार प्रतिबंधक कायद्यान्वये गुन्हा नोंदवण्यात आला असून पोलिसांनी त्यांना अन्वेषणासाठी कह्यात घेतले आहे.