Panchkula Bomb Threat : पंचकुला (हरियाणा) महापौर कार्यालयासह हरियाणा आणि देहलीतील मंदिरे बाँबने उडवण्याची धमकी

पंचकुला (हरियाणा) – पंचकुलाच्या महापौर कार्यालयाला आणि महानगरपालिकेला एक ई-मेल पाठवण्यात आला आहे. यामध्ये पंचकुला महापौर कार्यालय, उत्तर भारतातील अनेक प्रसिद्ध मंदिरे आणि देहली-अंबाला-चंडीगड रेल्वे मार्ग बाँबद्वारे उडवण्याची उघड धमकी देण्यात आली आहे. या ई-मेलमध्ये ‘खलिस्तान नॅशनल आर्मी’ आणि ‘हरियाणा बनेगा खलिस्तान’ यांसारख्या आक्षेपार्ह घोषणा लिहिण्यात आल्या आहेत. यानंतर सुरक्षायंत्रणा सर्तक झाल्या असून त्यांनी अन्वेषण चालू केले आहे.

ई-मेलमध्ये स्पष्टपणे नमूद करण्यात आले आहे की, ५ आणि ६ जून या दिवशी रेल्वे मार्गावर स्फोट केले जातील, त्यामुळे कुणीही प्रवास करू नये.

ई-मेलमध्ये दिलेली मंदिरांची नावे

• कालका जी मंदिर (देहली)
• भीमा देवी मंदिर (पिंजोर)
• कार्तिकेय मंदिर (पिहोवा)
• स्थाणेश्वर महादेव मंदिर (कुरुक्षेत्र)
• गौरी शंकर मंदिर (चांदनी चौक, देहली)
• योगमाया मंदिर (मेहरौली, देहली)