खामगाव (ता. दौंड) येथे बनावट आधुनिक वैद्यास अटक !

पुणे – खामगाव (ता. दौंड) येथे ओमप्रकाश स्वरांकर (रा. भिलवाडा राजस्थान) या खोट्या आधुनिक वैद्यांना यवत पोलिसांनी अटक केली. अधिकृत वैद्यकीय पदवी आणि परवाना नसतांना स्वरांकर २ वर्षांपासून दवाखाना चालवत होते. प्रतिदिन २०० हून अधिक रुग्णांवर ते अल्प दरात उपचार करत होते. यांच्या विरोधात खामगाव प्राथमिक आरोग्य केंद्रातील आधुनिक वैद्य अशोक शिरसे  यांनी तक्रार प्रविष्ट केली. पोलिसांनी गुन्हा नोंद केला असून कागदपत्रांची पडताळणी चालू आहे. २ वर्षांपासून ग्रामपंचायत, आरोग्य विभाग, स्थानिक प्रशासन यांनी यापूर्वीच कारवाई का केली नाही ? असा प्रश्न सामान्य जनतेच्या मनात निर्माण झाला आहे.