बकरी ईदच्या पार्श्वभूमीवर गोहत्येच्या विरोधात भोर (पुणे) येथे नायब तहसीलदार आणि पोलीस यांना निवेदन !

भोर (जिल्हा पुणे) – बकरी ईदच्या पार्श्वभूमीवर महाराष्ट्रात प्रतिवर्षी होणारी अवैध गोवंश वाहतूक आणि गोहत्या या वर्षी रोखण्यात यावी, या मागणीसाठी भोर येथील हिंदुत्वनिष्ठ संघटनांच्या वतीने प्रशासनाला निवेदन देण्यात आले. येथील नायब तहसीलदार श्रीमती वैशाली जायगुडे-घोरपडे, प्रांत अधिकारी कार्यालयाच्या वतीने श्री. हरिदास चाटे, तसेच भोर पोलीस ठाणे अंमलदार खांडे यांना हे निवेदन देण्यात आले. गोहत्या करणारे आणि अवैध गोवंश वाहतूक करणारे गुन्हेगार यांच्यावर ‘मकोका’ अंतर्गत कठोर कारवाई करण्यात यावी, अशी मागणी या वेळी करण्यात आली. (अशी मागणी का करावी लागते ? – संपादक)

या प्रसंगी अखिल भारतीय कृषी गोसेवा संघ, समस्त हिंदु आघाडी गोरक्षक दल भोर तालुका, रोहिडा गोमाता समिती, हिंदु जनजागृती समिती, सकल हिंदु समाज, भोर तालुका या संघटनांचे पदाधिकारी आणि कार्यकर्ते मोठ्या संख्येने उपस्थित होते.